Сыңғырла -соңғы қоңырау!

Бүгін 25.05.2022ж күні мектебімізде
"Түлек 2022 -Жаңа Қазақстанның ертеңі" тақырыбында 2021-2022 оқу жылын аяқтау мақсатында салтанатты мерекелік жиыны болып өтті.Айтулы іс-шараға Ащыбұлақ ауылдық округі әкімі аппараты бас маманы Қадірбеков Дулат Дүйсенбіұлы және кезекті демалыстағы ардагер ұстаздарымыз келіп қатысып, жас мектеп бітіруші түлектерімізге алдағы өмірлеріне сәт-сапар тіледі!
Қоңырау үнi – мектеп қабырғасынан шыққан әрбiр адамның құлағына таныс, жүрегiне жақын. Алғашқы қоңырау – балалық арманыңды жетелеп, бiлiм алып, мақсатыңды айқындауға шақырса, соңғы қоңырау үнi – кәмелетке толып, оң - солын танып, қанаттанған бозбала мен бойжеткендердi арман биiктерiне ұшырып, ең үлкен өмiр мектебiне шығарып салады. Соңғы қоңырау – осындай қимас қоштасу әуенi сәтiмен ерекше.
Олай болса, жас түлектерімізге алар асулары, бағындырар белестері көп болсын- деп болашағынан зор үміт күтудеміз!