4, 9 және 11-сынып бітірушілеріне қатысты тәртіп пен қауіпсіздік шаралары

ҚҰРМЕТТІ АТА-АНАЛАР МЕН СЫНЫП ЖЕТЕКШІЛЕРІ!
Мектеп әкімшілігі 4, 9 және 11-сынып бітірушілеріне байланысты кез келген қаржы жинау мәселесі заң талаптарына сәйкес жүргізілуі тиіс екенін ескертеді.
Қолданыстағы заңнамаға сәйкес мектеп қабырғасында ата-аналардан түрлі іс-шаралар, сыйлықтар, жөндеу жұмыстары немесе басқа да мақсаттар үшін міндетті түрде ақша жинауға рұқсат етілмейді.
Осыған байланысты:
• Аниматорлар, студиялар мен агенттіктерді шақыруға тыйым салынады.
• Мектептің ішкі жөндеу жұмыстарына қажетті санитарлық-шаруашылық заттарды сатып алу мақсатында білім алушылардан ақша жинауға қатаң тыйым салынады.
• Оқушылардың қауіпсіздігін сақтау мақсатында автокөлік шеруіне шығуға, ойын-сауық орталықтарына, мейрамханаларға, демханаларға және басқа да орындарға баруға рұқсат етілмейді.
• Сынып жетекшілерінен ата-аналардан қаражат жинамауды сұраймыз;
• Егер заңсыз ақша жинау жағдайлары анықталса, бұл туралы мектеп әкімшілігіне хабарлау қажет.
Баршаңызды заң талаптарын сақтауға және өзара түсіністік танытуға шақырамын.