Әз- Наурыз құтты болсын!

Құрметті әріптестер, отандастар! Сіздерді бәріміз көптен асыға күткен, Күн мен түннің теңелетін, ақтың молаятын, тіршілік әлемінің қайта түлейтін, жарықтың ұзаратын күні, сондай-ақ жер-жаһанды сері самалға өткізіп, жұрттың аузын аққа жеткізіп, нұр тамшыларын аямай төккізіп, қиындықтың бәрін келер жылға өткізіп, самарқанның көк тасын ерітіп, алтын күрекпен жер жүзін жібітіп, тас жүректерді мейіріммен үгітіп келген әз-Наурыз мейрамымен баршаңызды құттықтаймын! Ұлыстың ұлы күні, әз-Наурыз құтты, берекелі жыл болсын! Басымыз аман, бауырымыз бүтін болып, Алла тағалам жаңа жылда бәрімізге күш-қуат берсін. Айдан аман, жылдан түгел болайық. Бақ қарап, қыдыр дарысын. Дендеріңізге саулық, отбастарыңызға амандық, шаттық, қуаныш, бақыт, істеріңізге береке күндеріңізге мереке, жұмыстарыңызға мол, зор, толағай шығармашылық табыстар тілеймін. Тағы да Наурыз құтты болсын!