Мектеп асханасы

Дұрыс тамақтану – денсаулық кепілі

Адамзат денсаулығын сақтаудың басты шарты - дұрыс тамақтану. Сондықтан тамақтануға ерекше көңіл бөлген жөн. Тамақ құрамының құндылығы басты назарда болғаны дұрыс.   Осы орайда №37 толық емес орта мектебінде асхананы жалға алушы М.Хасанова мен асхана қызметкерлерінің  еңбектерін орасан зор деп айтуға болады. Мектеп бойынша көп балалы отбасы балаларының саны 188, толық емес отбасы бала саны – 33. ААҚҚ (ата-ана қамқорлығынсыз қалған оқушы)-1.  Мектебімізде әлеуметтік педагог Құдайберген Бағила оқушы құжаттарын дайындауда уақытпен санаспай жұмыс жасап, 108 оқушы тегін ыстық тамақпен қамтылса, 5 оқушы асхананы жалға алушы есебінен күнделікті тамақ ішіп, асхана қызметкерлеріне ата-аналар алғыстарын айтуда. Мектеп асханасы санитарлық-гигиеналық талаптарға сай жабдықталған, ыдыс-аяқтары жеткілікті, әрі таза, үнемі қайнатылған суы дайын. 

Тиімді, дұрыс тамақтану денсаулықты сақтауға, ағзаның қалыпты өсуі мен дамуына, жұмыс қабілетінің жоғарылауына және ағзаның қоршаған ортаның әр түрлі жағымсыз әсеріне қарсылығын күшейтуге ықпалын тигізеді.