Мұқағали Мақатаевтың туғанына 95 жыл толуына арналған тағылымды әрі мәнді іс-шара

Бүгін мектебімізде қазақ поэзиясының заңғар тұлғасы, ақиық ақын Мұқағали Мақатаевтың туғанына 95 жыл толуына арналған тағылымды әрі мәнді іс-шара өтті. Бұл шараның негізгі мақсаты – жас ұрпаққа Мұқағали поэзиясының терең мәнін таныту, оқушылардың әдебиетке, поэзияға деген сүйіспеншілігін арттыру, туған елге, ана тіліне деген құрмет сезімін ояту.

✅✅✅
Іс-шара барысында ақынның өмір жолы мен шығармашылығы кеңінен насихатталып, оның өлеңдері оқылып, әндері шырқалды.
Бұл рухани кештің тағы бір маңызды мақсаты – Мұқағали Мақатаевтың қазақ әдебиетіндегі орнын айқындау, оның мұрасын мәңгілік қазына ретінде жас ұрпақтың жүрегіне сіңіру. Іс-шара оқушыларға үлкен әсер қалдырып, поэзияға деген қызығушылықтарын арттырды.

Мұқағали – жүректерде мәңгі өмір сүретін ақын.
Осындай тағылымды шаралар арқылы оның асыл мұрасы ұрпақтан-ұрпаққа жалғаса бермек.